يافا … نبرات إنسان

قياسي

 

تمر الأن 63 عاما على النكبة …. لا أعرف ماذا أتذكر ,,, أتذكر جدي الذي فارقني في روعة شبابي .. و حدثني كثيرا عن يافا ,,, أما أتذكر يافا نفسها ,,, مازلت بتذكر كل لحظة كنت أجلس فيها مع جدي و يحكيلي عن يافا أروع لحظات حياتي كنت بحسها لما جدي كان يحكيلي عن يافا و يرسم يافا على الرمل و يقعد يحدد معي كل شارع بيافا ,, كل مكان و كل قرية ,, تل الريش ,, و سكن درويش و تل الربيع ,,, العجمي ,و كتير حكالي عن قرى موجودة بيافا و قضاء يافا ,, سيدي كان يمتهن بيع الجرائد ,, يعني ما في مكان بيافا ما راحو … و لسة بنحتفظ بمفتاح دارنا بيافا ,,

هلا ….  أسيادنا و أولى الأمر منا بدهم يعملولنا دولة حتى حدود عام 67 .. يعني شو ؟ أنسى جدي . ولا أنسى يافا ,,..؟؟؟ و لا أنسى تراب فلسطين ..؟؟؟!!!

أحيانا بقول إنو دولة مستقلة على حدود 67 هو بداية لتحرير كل أرضنا …. و أحيانا بقول راح نرضى بالأمر الواقع و نعيش على حدود 67 ة ننسى أرضنا .. هاد أصلا إذا إسرائيل وافقت بدولة مستقلة ..؟؟

لكن .. إنسان مثل جدي زرع فينا حب الأرض و حب الوطن و التراب .. و تشويقي لأن أتذوق برتقال يافا .. صعب ننسى هالأرض ,, شيء غريب بيربطني فيها , مع إني ما شفتها إلا بالصور إلي شفتها مع جدي لكن كلامه كان بمثابة جولة في ذكريات لم يمسسها الجفا ,,

كل يوم .. مع بداية كل صباح أفتح النافذة و أنظر إلى الشمال إلى نقطة بعيدة بتلتقي فيها السماء مع الأرض ,, و أتذكر فيها يافا و أحلم أن أراها ,,,,,,,,,,,,,  و بسمع فيروز عم بتقول سنرجع يوما إلى حينا ,, وتغرق في دافئات المدى ,,, سنرجع .,,,,,

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s