دوس بنزين … و إحكي

قياسي

في نهاية كل يوم و بعد يوم مليء بالتعب و المحاضرات و المشاوير العفوية و المقصودة والضحك و الملل و مزيدا من القهوة و الشاي و الأكل .. و المواقف الطريفة و الجميلة و الحياة المليئة بالأخبار السياسية .. و وجهات الرأي المستمرة دون ملل حول الوضع … و كل من تراه يفتي بالسياسة و ما في موضوع غير السياسة … و هذا أصبح شائعا كثيرا منذ فترة كبيرة … الكل محلل سياسي و الكل بيفهم أكتر من التاني و الجميل أن صاحب وجهة النظر السياسية يدافع عنها حتى ولو خاطئة .. و أنا دائما أستمع و أستمع و أستمع

في رحلة ذهابي إلى البيت أستقل سيارة أجرة .. و هذه المرة جلست بجانب السائق … بعد خمس دقائق من الرحلة .. وجه لي سؤالا … أنت صحفي ..  نعم ….

سؤال تاني : فكرك في مصالحة ؟

أكيد في مصالحة

سؤال تالت : فكرك راح يسيبو الكراسي عشان المصالحة و مصلحة الشعب ؟

الكرسي : كلنا عنا كراسي .. أما كرسي المنصب إلو طعم تاني

السائق : والله ما في حدا بدور على مصلحة هالشعب لو في حدا مدور لنحلت قضيتنا من 20 سنة .. القلوب مش صافية و العيون مش ثابتة .. كل حركة بنعملها حاسس إنو بتتسجل إلنا عشان لما يمزعو ورقة المصالحة كلو تحاسب على إلي سواه بفترة ما يسمى بالمصالحة .. أول مرة نعرف البغض و النفاق من سنين بينا ما كنا نعمل هيك و لا نتوقع يصير هيك

بعين الله

السائق : إلنا 60 سنة بنحكي بعين الله وما في حدا مدور ؟

مشكلتنا إنو ما في حدا بيعرف شو حالة كل بيت … اليوم عندي أكل بكرا ما عندي .. و نازلين يعملو إلنا ضرايب عالسيارة و الرخصة .. و كل شوي الرخصة مسحوبة و روح عالمرور .. و قصة طويلة ..

4 سنين قضيناهم الله يعلم كيف .. ما بدنا الأيام تمر و بدنا ياها تمر … عايشين بوضع صعب و ما حدا مدور .. وهاد نازل يقول مش موافق على الورقة المصرية و هاد بشد ويمد و إحنا اللعبة و الضحية .. وهادي المرة طلعلنا نتنياهو و بيقول فش و فش وفش وفش .. و أوباما التاني نازل يمجّد بإسرائيل .. القصة مش جديدة …

بس كل إلي لازم يصير إنو يلتفتو شوية على الشعب كلهم شاطرين يطلعو عالتلفزيون و يحكو عن الي بيصير و ما في حدا عارف شو بيصير .. بيحكو عن إلي بيصير بين السطلة و إسرائيل .. و ما حدا بيحكي شو بيصير بكل بيت فلسطيني كل يوم … يا رجل و الله زهقونا و راح يجي يوم كل واحد يتحاسب …. زهقونا يا راجل … و لسة الله يجيرنا من شي أعظم ….. و

نزلني عاليمين………………………………………………………………………..

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s