بالع راديو

قياسي

ما بتحب حد يحكيلك شي عنك عن حالك إلا طبعا إذا كان إيجابي😀, يعني إن حد إنتقدك و كإنو البلد بتنهد:(, مع إنو أنا و إنت و إنتِ كلنا سلبيات , هو أصلا بيني و بينكم السلبيات بتكون برضو حلوة مرات😀 , يعني لو بتكون كلك إيجابيات كان بيكون شي بصراحة ممل , بس الأهم لما حد بيحكيلك عن أي شي سلبي فيك أو فيا أو في أي حد , إنو مش ضروري تسحب كل أسلحتك مشان أتدافع عن حالك  , السلبي بوجهة نظر معينة ممكن يكون ميزة بوجهة نظر مختلفة ..🙂

الفكرة بكل هالقصة إنو لا ضروري تقنعني ولا ضروري أقنعك , بنفس أهمية إنو ضروري تسمعني وضروري أسمعك , خليك مؤمن مثل ما إنت بشو مؤمن , و أنا بدي أضل مؤمن بكل شي مثل أنا , مش ضروري نكون بنشبهبعض ولا ضروري إذا إنتا صح و أنا غلط , الضروري بالبلد توسعنا و توسع كل إلي فيها هيك مثل ما هما , لأنو فش حد مثالي وحد تاني مش مثالي , يمكن بوضعنا إلي إحنا فيه ما بيطلع أي حد مثالي , ماهو مثال بسيط بخلينا نعرف لوين واصلين بالبلد بنعرف كم  إحنا كلنا على بعض مش مثاليين .:D

ومين يعني المثالي بالبلد , لازم تأمن بإنو رغم كل الملاحظات إللي عليك إلا إنو فيك ميزات يمكن مش موجودة بكثير ناس , الأهم لما حد بيحكيلك ملاحظات , أو إنتقادات , بكفي تسمعها , لأنو بجد بكفي تسمّعها للأخر , و إنت بعدين حُر , ما تحط حيط بينك وبين الفكرة إللي بينحكى عنها و ما تغمض عينيك و مخك و إنت بتسمع , إنت أتطلع بأي مرآة و بتعرف إذا الحكي إللي إنحكى عنك صحيح ولامش صحيح , و إنت لحالك رح تعرف إنو إنت هيك ولا بيزودوها كتير, البلد ملانة أشياء , مش مثالية, يمكن أكثر شي مثالي فيها إحنا ,الناس ,لأنو مستحملين و عايشين , بس العيب إلي فينا إنو إحنا برضو ساكتين , ساكتين كتير ,  مش  كثير عظيم يعني لما نبعبع هون وهون , ولا كثير شي خطير لما بنعمل إعتصام هون ولا هون , الأهم إنو نستمر بكلشي من شأنو إن يغير إلي بدنا نغيرو , نستمر يعني للآخر , يعني تيتغير الوضع وكلشي بدو وضع جديد ,,:D

لما بننتقد البلد , إحنا بالتأكيد بننتقد المسؤولين عن البلد , وبنفس القوة على فكرة , بننتقد حالنا , لأنو كما تكونوا بالفعل يولّى عليكم , ما فيه ختم بدون مزبطة , شوف الختم على الورقة بتعرف طبيعة قنينة الحبر إلي نحط فيها  , لأنو هو نفسو هالحبر لوني و لونك , و هو نفسو مخي ومخك , والأهم إنو لولانا كنا هيك كان ما بتطلع هيك رسمة الختم كان ممكن تطلع كثير غير,.:D

الخير بالناس موجود , و الأمل بيزيد , الشباب إلي قصوا الشيك و دخلو الجولان ووصل بعضهم ليافا , خلونا نعرف هيك , وفجأة إنو أهل بلدنا بخير , و إنو رغم كل الإنتقادات الناس لسة عارفة شو بدها وشو ما بدها , خليك صاحي , وخليكي صاحية , البلد بلدها ناس مصحصحة ة إللي صار بـ 15 أيار رح يغيّر كتير من اليوم و رايح , أكتر ما بتتخيلو , جاهزين , أنا شخصيا ما بعرف ,,,:D

رأي واحد حول “بالع راديو

  1. صحیح کلامک
    لا والغریب ان احیانا لمن حدن بیقلک شو رایک فینے وبتقلہ ایجابیاتہ بتلاقی تمہ شبرین ولمن بتقلہ السلبیات بیزعل
    لا واحیانا کمان لمن بتقلہ ما فیک سلبیات ما بیصدق ولمن بتقول السلبیات بیقلک لا انا مو ھیک انت ما بتفھم شی

    ھہہہہہ

    ناس غریبہ

    حلو کتیر ثائر
    استمر

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s