تلاتة شبر

قياسي

 

الغريب إنو إحنا ما نحب لبعض الخير , حتى لوحبينا الخير بيكون بس خارجي بس بالداخل , ما في خير , ما بنحب حد يكون أحسن منا , ليش ؟ ممكن نسميها أنانية بس ليش ما تبدا تفكر , غيرك أحسن منك لأنو بيفكر أما إنتا إتكالي ما بتحب تعمل شي و بدك كل شي عالجاهز و بدك تكون أحسن واحد هادي هيا الأنانية , لو كل واحد بيفكر شوي ممكن يطلع بفكرة و كل ما وسعت مجموعة التفكير كل ما كانت الفكرة أوسع و أجدد , التفكير مو حرام و مو حرام إني أبتكر فكرة بس الحرام إنو تكون حابب كل شي إلك لوحدك و تنسى الناس إلي وقفو جمبك , ولو صادفتك مشاكل ما توقف عن نقطة و تركع , الركوع مش من ميزات الشباب , إرجع أبدا من أول شوف شو هيي المشكلة و من وين أجت , بردو ركعت !!! طيب أطلع من دائرة المشكلة و إنظر عليها من فوق راح تشوف كل أبعادها و راح تشوف شو سببها . بتنحل !! ايه كلام صحيح , بعدين لا تنسى إنو إحنا بعصر التطور أي فكرة ممكن تنتشر مهما كانت الفكرة هبلة , و مهما كانت مستخدمة , لكن بتفكيرك بتجذب إلها الناس ,ممكن تصير عالمية , أو أقلك إعمل جروب على الفيس بوك و هيا لحالها بتنتشر , ولا تنسى تعمل حساب أول شي , بستعمل حساب لشو ؟ إلي بيعمل حساب لحد بيكون خايف منو و إحنا ما بنخاف إلا من الله , يعني دوس بنزين و فكر , مش فاضي تفكر ؟؟ طيب عندي حل .؟ في وقت من الأوقات بنختلي فيه بحالنا عشان نرتاح بالحمام , فكر بالحمام أبتكر فكرة بالحمام , و طبقها إن حد سألك كيف عرفت الفكرة , ما تتردد تقول كنت بالحمام , مو عيب , العيب إنو لما تفكر تمسك الفكرة و تضرب عليها السيفون بعد ما تخلص , أع , خليني أستخدم أشياء معروفة . نيوتن عرف الجاذبية من تفاحة مع إنو كان راسب بالمدرسة و كان مدرسو دايما بيعاقبو . بعد ما إكتشف قانون الجاذبية , المدرس صار معاه تخلف عقلي , الله يعافيكم , وإحنا نازلين نكتب ” عفوا نيوتن أنا سر الجاذبية ” أحا يا ولاد الكلب , و الله ما في حد بيعرف شو قانون الجاذبية مع إنو أخدناها بصف رابع , سيبونا من التفكير العقيم , العقيم مش إلي ما بيجيب ولاد , لا العقيم إلي ما في منو فايدة , و خلو التفكير متعدد الإتجاه , و لا تخلوه بإتجاه تلاتة شبر تحت راسكم . إحنا كشباب فلسطينين نشرنا فكرنا وخلينا العالم تشاركنا يوم النكبة , حتى إنو صار شهداء من دول تانية , و لاشو كمان بتقول لحد من غزة  يلا نروح نشارك بيوم النكبة بقلك ” حل عني يا زلمة بديش أموت “بدي أتزوج ” اااه يعني التفكير مازال تلاتة شبر تحت الراس , طيب ,, يعني الموضوع إنو فينا نفكر بس إحنا بنتعب من التفكير, يعني عارفين الدخان مضر , بس ما فكرنا شو ممكن يعمل فينا لما نكبر , مواهب كتير مدفونة , و بنكدسها و بنخللها وبنخليها إلنا بس , في منا بكتب شعر و ما بيرضى ينشرو لأنو الساحة الشعرية عجقة , القصة مو قصة عجقة , القصة مو كل واحد كتب كلام يعني شعر , الشعر إحساس يعبر عنو بكلمات منمقة ” شو هاد الكلام الكبير ” و بعدين التحدي حلو . إتحدى كل الشعراء و إكتب شعر أحلا منهم راح يطلع معك شي , بس إنتا إبن كلب ما بدك تفكر , و غير هيك مواهب كتيرة لسة مدفونة , ولو بدك تلجأ لحدا و تطرح فكرتك عليه و طبعا بيكون إلو تجربة هالحدا بيتكبر عليك و بيشوف حالو عليك , يا عمي شايف حالك على ايش ما أنا عندي ثقافة أكتر منك , و غرفتي مكركبة و بسمع فيروز الصبح , يا ناس التفكير مش هيك , اذا شاف حالو عليك , روح لغيرو . ولا اقلك ما بنفعك غير اصحابك لا تتخلى عنهم قلهم فكرتك و راح تساعدو بعض و هيك بتتعاونو و بطبقو الفكرة . و هيك أنا بدي أستأذن أروح أفكر ,, هع

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s