مش عارفين FM

قياسي

أعزائي المستمعين مسا الخير و المحبة و السعادة لإلكم وين ما كنتو عم تسمعونا عبر أثير إذاعة فوبيا من أي مكان بالعالم ,,,

حلقة جديدة  من برنامج ” مش عارفين رايحين وين ” إلي عارف ما يجي هاد البرنامج بس للي مش عارفين

راح نتناول بحلقتنا لليوم ثلاثة وجبات , الوجبة الأولى عن موضوع الدولة إلي مش عارفين راح تيجي مع سبتمبر ولا معهاش مصاري تركب تاكسي و تيجي , و مش عارفين إذا عمرها 67 ولا 48 شكلها كبيرة بالسن و بدها تاكسي , و إذا قلت بدك ستك إم 48 بيقولولك ولك يا حمار إسرائيل أمر واقع كيف بدك ستك ترجع . و إذا قلت بدك ستك إم 67 بيقولك يا خاين بتبيع أرضك , و ما حدا راسي على بر

بالوجبة التانية مستمعبنا الكرام راح تنناول وجبة دسمة جدا جدا و رجاءا لكل مرضى السكري و الرمتزم و إلي مفلوز ما يتفرج على الراديو , المصالحة الوطنية أول مسلسل المهبرجين الفلسطينين , إلي دوشونا فيه , عملنا مظاهرات مش عاجبهم وديناهم عاليمن مش عاجبهم , وديناهم على مكة و حلفو بنص الكعبة مش عاجبهم , اتفقو بالقاهرة , و يارتهم ما تفقوا دوشو راسنا بالشعارات المقرفة , أنا بقول نمسك أبو مازن و مشعل و الزهار و إسماعيل هنية , و نحطهم بخلاط و نحط معهم شريطين حبوب هلوسة و شوية ملوخية ناشفة و نخلطهم بالخلاط حيطلع إلنا واحد زي معمر القذافي , إلى الأمام , مصالحة , مصالحة ,,,

الوجبة التالتة مستمعينا الكرام , راح  تكون صحية , و هيا شوية مصالحة , وشوية قرارات حاسمة , عشان الحجة أمريكا و رئيسها بو عمامة , يفكو عن دينا , ينهونا , لأنو فتح و حماس أجمعو على تعزيز الإنقسام إلي قالت عنو أمريكا بعدم المصالحة , هذا إذ يؤكد على إجماع فتح و حماس على ما يهم مصلحة الشعب الفلسطيني أجمع , وكمان أبو مازن حبيبنا , متيس بدو يروح على الأمم المتحدة , ويعلن الدولة ,, ههه الموظفين بيقولو دخيلك لا تروح , أمريكا راح تمنع المساعدات المالية يعني , ما في قبضة ,, أحاااا ,, لا تفهمو غلط بتنحنح ,,,,

هذه كانت الوجبات لليوم في حلقتنا المتجددة مش عارفين رايحين وين , هذا و قد كتب هذه الحلقة إنسان لم يكن بكامل قواه العقلية ,,,

إلى اللقاء , ثورة ,, ثورة ,

رأيان حول “مش عارفين FM

  1. shadia

    الوجبة الاولى الدولة مقطوعة عليها الطريق يعني لا ستك الحجة 48 ولا بنتها 67
    اما بالنسبة للوجبة الثانية فالمسلسل خلص وحلقته الاخيرة اتفقوا فيها علينا
    بالنسبة للراتب بدي احكيلك ….. شوش
    الو الو …؟
    انقطع يمكن لانه البذاءات مش مسموح فيها
    الله وكيلك امريكا بتحبنا واحنا فاهمين غلط !

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s