بطيخة أيلول

قياسي

إستحقاق أيلول عامل زي المرة الحبلة و مش عارفين إلي جاي ولد ولا بنت ولا يمكن مش جاي أصلا و يمكن حمل كذّاب , لكن الظاهرة الغريبة إلي تفشت بالناس ، الوطنية المفرطة إلي ظهرت فجأة فيهم ، آراء الناس عن أيلول مختلفة ، و كل واحد إلو رأيو ،

في رأي بيقول و هاد الرأي لأصحاب البطيخة  الكاملة بيقول أنا مع  أيلول يمّا و بدي يجي دين أيلول بسرعة عشان نعلن الدولة ،هاد الرأي عن بعض ناس مش مقبول وممكن ينعتوك بالخاين أو غير وطني ، وبيقولك كيف إنتا نسيت باقي أرضك و وين فلسطين إلي مات عشانها ملايين ، شو ننساها بعد أيلول ,

رأي تاني بيقول ، و هاد لأصحاب النص بطيخة بيقول أنا مش مع إستحقاق أيلول لأنو أنا بدي دولة فلسطينية كاملة السيادرة على أراضيها المحتلة  وبدي بحر و جو و أرض / و ما بدي لحدود 67 / هاد الرأي كمان عند ناس مش مقبول و بيقولو إنتا ناسي إنو إسرائيل أمر واقع ، و إنو لو تفاوضنا معهم ما راح نحصل على شيء ، و شكلك ما سمعت خطاب نتنياهو لما قال ” ما في قدس ، ما في وقف إستيطان ، ما في دولة ل 67 ” كنك أهبل إنتا ، ااااه لازم أعيد النظر

و في رأي تالت بيقول /و هدول و لا إلهم بالطور ولا الطحين بيقول إنتو هبل كيف بدكو دولة ، شكلكو نسيتو الفيتو بالجبنة إلي مع أمريكا و إنو راي تاكلو فيتو من قاع الدسك من أمريكا ، و الرد على أصحاب هاد الرأي بيقول يلا منجرب بلكي بتزبط هههههههه

هلا مع إختلاف الأراء حول أيلول،  مبين إنو في ناس الشبع وصل الحنجرة عندهم , و في ناس لسة جوعانة ,

يارب يجي أيلول لنشوف شو يصير ,و إن شاء الله بتصير دولة ، و إن شاء الله بتكون67 مفتاح لكامل فلسطين ,

بالأخير بقول بدنا حرية حتى ولو ليوم واحد ,

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s