بدّيش / ليش بدكاش / هيك مبديش/ طيب / في سبب / جد !! / طيب / فسّر / بدّيش / حد يتفلسف / بدّيش / بديش الكهرب تقطع / و أنا بدرس / بدّيش / أسمع أخبار عن المصالحة / بدّيش / أشوف نظارات محمود عباس / وبديش أشوف نظرات خالد مشعل / بدّيش أسمع قاهرة / ولا حالة الطقس اليوم / و لا أسعار الدولار / مقابل عُملة مش عُملتي / بدّيش /أسمع حالة معبر رفح البرّي اليوم / ولا كم حد سافر / بدّيش / بيوم أنمنع عن الكتابة / بدّيش / أسمع عن الإعتقالات السياسية / بدّيش / كل واحد يجمع شوية مقاطيع / ويعمل أئتلاف شبابي / بدّيش / هبل / بدّيش / البندورة تغلى /بدّيش / يوصلني مسج / من شركة جوال / بيقول / لأخر النكت أرسل رسالة ع /25544 / بدّيش / أشوف مشجعين برشلونة / ولا الريال / بدّيش أشجع غير الفريق الوطني / بدّيش حد يحكي بالقضية / و هوا مش فاهم شي / بدّيش / تفقع مرارتي و أنا بقنع / بحجر / بدّيش / حد يقنع بشي ما بدو يقتنع فيه / بدّيش / أسمع عن إنجازات ناجحة / في ظل إنقسام / بدّيش ناس تركب الموجة ع حساب ناس / بدّيش / متسلقين / بدّيش / أسمع عن سياسة البلد التعبانة / بدّيش / حد يطمس حريتي / بدّيش / حد يفرض قانون / ع كيف أهلو / بدّيش / لما أعبر عن رأيي / يجي حد يحكيلي شو بتعمل ؟؟!! / بدّيش / أشوف الفيسبوك مليان شعارات خلابة / و هدفها الشهرة بس / بدّيش / أسمع غزة و ضفة / بدّيش / أشوف المعفن قائد / و القائد معفن / بدّيش / أشوف غير علم بلدي المرفوع بكل مكان / بدّيش حد يسمم أفكاري / بدّيش / حد يعشش بمخي مفهوم الهجرة / بديش أهاجر / ولا أسافر / و لا أيأس /و لا أموت / بدّيش / أخلص جامعة / بدّيش / نحكي عن وطنين / بدّيش / أبطل أكتب / بدّيش بنت / تتنطط ع ديني / هاا / بدينا / ششششش / بدّيش / يجي يوم أندم إني كنت بحكي هيك /بدّيش / القدس في خطر / بدّيش إقتحامات / و دمار / بدّيش غير مقاومة / بدّي /بدّي /بدّيش غير وطن / بدي وطن !!!
كلنا أيضا نريد أوطاننا نفعل فيها كل ذلك الذي (بدنا)
و نتر (بديش ) للأبد ,,,,تحية على التدوينة التى اشاركك فيها كل (بديش) و كل (بدي )
بدى وطن !!
ع البال يا وطن !
وانا كمان بديش ..
وجع .!! شو إلي بدكيش ياه ؟!!
وانا بديش ابطل اجي هان على مدونتك 🙂
شرف لإلي
هل تعلم انها أكثر من رائعة
ثكرا يالي متخبية
وانا بديش 🙂
ابدعت
نورت 🙂
جميل ..
تعبر عنا جميعًا ..
” بديش ” ..
كلمة نقولها و نكررها أكثر من مرة في اليوم الواحد !
فعلا
بديش أتجاهلها وبديش أتعرف على غربا وبديش أسكت وبديش أكتب وبديش أكتبش وبديش أكون في النص وبديش تطرف وبديش أندم وبديش يضيع عمري
كلنا بدناش 😦
آكثر من رااائعة ومعبرة 🙂
لأنو بدناش لو بدنا كان ما طلعت بهاد الرونق
إبداع !
شكرا لوجودك 🙂
أحياناً الإنسان يعيش غريب في وطنه ويشعر بالغربة…
“بديش” هذا الشعور …
راائعة كلماتك … 🙂